對唔住呀，weekend 出去玩唔得閒寫網誌。
又收到啲朋友們嘅問題，問點解我寫啲嘢咁 random？第一，我話咗我寫嘢係短篇咁樣寫，看起來雜亂無章，但係有啲嘢係會 interconnected。關於上一篇文，我當然無問人地識唔識打麻雀啦，我只不過係幽呀葉生以前篇文一默。不過，我真係有車果位太太，因為交通太差了，而我覺得我架車有位同埋又係上山，幫助吓別人唔好咩？我幫襯了支持佔中的阿信屋，但卻為佔中而影晌到的太太感到難過。相信好多香港人都係站立在這 crossroad。
好喇，weekend 玩咗乜？去 wakeboard？ 多謝喇，喺香港 wakeboard 簡直係攞苦嚟辛，第一啲水太過污染了，第二，揸快艇果班友真係攞人命的，每週末深水灣，清水灣，西貢等海域wakeboard Jet-ski 香蕉船亂Q咁飛，仲忙過港澳碼頭。小弟有二級遊艇船主牌，成日見到驚險場面，差啲俾人隊過添。Afterall, 玩 wakeboard 都係為咗 post Facebook 呃 like，尤其是中年男女最多人玩，因為人到中年要尋找刺激，突出自己嘅 adventurous and fun personality，但係亦透露自己的年紀及不濟的身材，高調的活動也。
星期日梗係去跑馬啦。呢樣就真係可高調或低調的活動。高調者有如阿叻，染個紫色頭入場，老遠都望到啦。低調者可以躲在會所內食嘢落飛涼冷氣。我呢，就係喺中間。得閒落沙圈睇吓隻馬，大螢幕會隱約出現我嘅身影，但係躲在人堆裡，唔好被影到近鏡。琴日朋友隻馬出，係沙圈度同呀苗生傾咗陣計。呀 Tony 同埋 Beverly 我識咗好幾年，雖然而家冇馬喺佢度，但係都會嗲吓幾句，阿吳生徐生我都熟嘅。
跑馬嘅好處係，基本上你嘅同輩，uncle auntie，業務上嘅朋友全部都會喺度，啲聯誼活動一次過進行晒，而不需專登 post 上 facebook 但亦都俾人睇到你出入社交場所，所以為之低調。仲有，如果有海外嘅女仔 friend 梗係要帶去睇馬啦。佢地會覺得好玩好食好得意，落去沙圈直情癲咗咁影啲馬仔。我試過帶我啲北歐同學，嘩，成班金髮女郎狂 selfie，又要捉住呀練馬師騎師影合照，真係夠觸目，氹到呀靚仔騎師超級落力跑到個第二，而我又有獎金袋，簡直喺一石N鳥之計謀，如果拉頭馬就仲好玩啦，攞正牌高調，借故嚟個 afterparty。
此乃低調地高調的基礎：使用現有的東西及資源加以善用，創造獲利條件。簡單啲講，係以唔增加任何 opportunity/marginal cost 而製造 noise。好多人話入馬場賭馬會輸錢，但係個 spending control 喺你自己度。我賭極都係幾十蚊，贏咗一樣咁叫，輸咗一樣咁小人，然後返上去 buffet 食多幾杯 Haagen Dazs 補番數。要 optimize opportunity cost 嘛。
2014年11月1日 星期六
四方城高手
今日寫的 blog，是比較正經的。
剛剛去完君悅的婚宴 (B&E? M&S? You guess)。在街上看見長長的人龍等的士等巴士，基本上，條龍長到係等運到，等嚟都徙氣。
小弟著住套 Tux，看見Taxi Stand 排隊的人已經絕望，把戰車停下。我開了我左邊的窗，大聲的呼叫："有冇人上半山？Anybody going to Mid-Levels?"
有一位太太拖着兩位小朋友，很不好意思地，輕輕點頭。我叫她慢慢上車，像的士司機般問着，太太你去那裡呀？
這位女士說，我去舊山頂道帝景園。我很快答她, OK, Sure。
兩位小朋友很開心，因為有跑車坐 (這車子是四門的，不是像數天之前一家四口坐 Ferrari 出事的那種。) 我給了兩位小朋友一包從阿信屋買的軟糖，他們高興地拿著吃。
去到LRC時，我忍不住問了那位太太一句話："你打唔打麻雀㗎？或者你屋企人呢？聽講舊山頂道啲人打麻雀好叻喎。"
佢以為我黐線，一粒聲都無出。十五秒後到達了 Dynasty Court，佢講了一句唔該就走了。啲小朋友就咁 Byebye uncle byebye uncle。
我只不過是想在全城一片佔中緊張的氣氛中，攪吓 gag 輕鬆吓嘛。又喺人地話舊山頂道好多四方城高手嘅。
剛剛去完君悅的婚宴 (B&E? M&S? You guess)。在街上看見長長的人龍等的士等巴士，基本上，條龍長到係等運到，等嚟都徙氣。
小弟著住套 Tux，看見Taxi Stand 排隊的人已經絕望，把戰車停下。我開了我左邊的窗，大聲的呼叫："有冇人上半山？Anybody going to Mid-Levels?"
有一位太太拖着兩位小朋友，很不好意思地，輕輕點頭。我叫她慢慢上車，像的士司機般問着，太太你去那裡呀？
這位女士說，我去舊山頂道帝景園。我很快答她, OK, Sure。
兩位小朋友很開心，因為有跑車坐 (這車子是四門的，不是像數天之前一家四口坐 Ferrari 出事的那種。) 我給了兩位小朋友一包從阿信屋買的軟糖，他們高興地拿著吃。
去到LRC時，我忍不住問了那位太太一句話："你打唔打麻雀㗎？或者你屋企人呢？聽講舊山頂道啲人打麻雀好叻喎。"
佢以為我黐線，一粒聲都無出。十五秒後到達了 Dynasty Court，佢講了一句唔該就走了。啲小朋友就咁 Byebye uncle byebye uncle。
我只不過是想在全城一片佔中緊張的氣氛中，攪吓 gag 輕鬆吓嘛。又喺人地話舊山頂道好多四方城高手嘅。
2014年10月31日 星期五
Halloween 好悶
今晚脫咗少少期遲咗 post，Halloween 佳節，梗係開P啦，不過我唔會去MK多過旺角嘅老蘭，同埋今晚多咗好多想加入佔領港女嘅洋鬼子，費事爭生意啦。
即係咁，我上篇文講我加拿大細個啲嘢。我二三十年前已經喺溫哥華慶祝 Halloween，小朋友逐家逐戶 Trick or Treat，慶咗咁多年覺得好悶，嘩今晚個 FB 全部係啲生咗仔女嘅 friend 好似發現新大陸咁，po 啲小朋友扮嘢相。得意係得意，不果成晚過百張真係悶死。海洋公園個哈囉喂仲悶，我返 I-bank 果時年年啲 Staff Day 都係哈囉喂，當然外國 bank 好福利梗係俾 Fastpass啦，我地悶到無嘢好做玩到調轉頭嚇番啲鬼。
Anyways, 今晚約咗幾位公子同埋幾位淑女們，在家煎牛扒，嘆我最愛的 Cos d'Estournel, 飯後食吓啲女仔買來的 Tony Wong Patisserie 拿破倫，再飲番幾杯 Glenfarclas。價錢平過你落 Taz 開張台，享受好得多。啱啱送晒啲女仔歸家，而家先寫到 blog。
我係唔鍾意做 Crowded Trade 果種人，我是我行我素的王菲嘛。
即係咁，我上篇文講我加拿大細個啲嘢。我二三十年前已經喺溫哥華慶祝 Halloween，小朋友逐家逐戶 Trick or Treat，慶咗咁多年覺得好悶，嘩今晚個 FB 全部係啲生咗仔女嘅 friend 好似發現新大陸咁，po 啲小朋友扮嘢相。得意係得意，不果成晚過百張真係悶死。海洋公園個哈囉喂仲悶，我返 I-bank 果時年年啲 Staff Day 都係哈囉喂，當然外國 bank 好福利梗係俾 Fastpass啦，我地悶到無嘢好做玩到調轉頭嚇番啲鬼。
Anyways, 今晚約咗幾位公子同埋幾位淑女們，在家煎牛扒，嘆我最愛的 Cos d'Estournel, 飯後食吓啲女仔買來的 Tony Wong Patisserie 拿破倫，再飲番幾杯 Glenfarclas。價錢平過你落 Taz 開張台，享受好得多。啱啱送晒啲女仔歸家，而家先寫到 blog。
我係唔鍾意做 Crowded Trade 果種人，我是我行我素的王菲嘛。
2014年10月30日 星期四
行先死先
每次講故仔前我一定要回應一吓讀者們的疑問。I now take this opportunity to recap in English.
Q: Are you a rich second generation?
A: You believe then yes. You don't believe then no.
Q: Prove it to me!
A: Unless you be the worm in my stomach. You can be my "Gay Sang Chung" or "Jing Chung"
Q: Are you handsome?
A: Are you pretty?
好喇，玩夠喇。其實以上100％ 錯誤嘅英文對話係 prep 你地 for 以下嘅小故事。
話說我小時候，大約三年班移民去加國溫哥華。那一天，是四月五日。我老竇癲到一落機就拖我去學校登記，等明天四月六日一早可以返學上堂。我住果度係 North Vancouver，果個年代 North Van 山頭上的黑熊比中國人還要多。所以我地比熊貓更稀有。不過，我們不是國寶，而是從遠處泊來的 FOB。
返學第一天，我一生人第一次看見了全班都係紅鬚綠眼的洋人同學。三年班的我是一舊飯，英文程度簡直接近零，多得香港嘅教育，我識得講以下對話：
"Good morning Miss.. Miss Mill~~~ Miss Miller ~~~"
Miss Miller 用奇怪嘅眼神望住我，"Okay Warren go sit down. Boys and girls, Warren is our new student from Hong Kong, please welcome him and make him feel comfortable."
所有人也用奇怪嘅眼神望住我。跟住呀 Miss Miller 一路講書。天呀，小學三年班還在教 15+6=21 ？數學堂好快就過咗。
下一堂，死火喇，法文？法文堂換咗做第二個老師，個名長到抽筋。跟住忽然感覺到下半身有洪水泛濫的感覺，要去廁所。
"M..M..Miss L.. Louisvuittonmichelrenepierreherme, May I go to the toilet"
Madame L: "Warren, parlez Francais!!"
趴乜鬼呀？大佬就嚟爆喇，要我講乜春呀？
我的手緊握着下體，諗緊準備點瀨嘅時候，坐在我旁的鬼妹同我講咗句嘢。我諗都無諗就咁高聲repeat咗佢句說話。
"Madame! Le toilette s'il vous plait!"
Madame L:" "Tres bien! Allez-y."
屙完返番嚟呀鬼妹同學仔同我講："do you know you don't have to say good morning or ask for permission to go to the washroom?"
輕鬆晒嘅我："Thank You!" (淨係識呢句)
鬼妹伸咗隻手出嚟: "Haha you're funny, my name is Hillary."
我好害羞咁握咗佢隻手。(註：想看甜故的人兄請等待我遲啲寫有關東莞 Due Diligence 之旅)
果一刻嘅我恍然大悟，點解我無留意人地嘅？仲乜咁白癡"吉"起身問先生呀？這次事件直接影響到我以後做人嘅思維 - 行先死先。
Q: Are you a rich second generation?
A: You believe then yes. You don't believe then no.
Q: Prove it to me!
A: Unless you be the worm in my stomach. You can be my "Gay Sang Chung" or "Jing Chung"
Q: Are you handsome?
A: Are you pretty?
好喇，玩夠喇。其實以上100％ 錯誤嘅英文對話係 prep 你地 for 以下嘅小故事。
話說我小時候，大約三年班移民去加國溫哥華。那一天，是四月五日。我老竇癲到一落機就拖我去學校登記，等明天四月六日一早可以返學上堂。我住果度係 North Vancouver，果個年代 North Van 山頭上的黑熊比中國人還要多。所以我地比熊貓更稀有。不過，我們不是國寶，而是從遠處泊來的 FOB。
返學第一天，我一生人第一次看見了全班都係紅鬚綠眼的洋人同學。三年班的我是一舊飯，英文程度簡直接近零，多得香港嘅教育，我識得講以下對話：
"Good morning Miss.. Miss Mill~~~ Miss Miller ~~~"
Miss Miller 用奇怪嘅眼神望住我，"Okay Warren go sit down. Boys and girls, Warren is our new student from Hong Kong, please welcome him and make him feel comfortable."
所有人也用奇怪嘅眼神望住我。跟住呀 Miss Miller 一路講書。天呀，小學三年班還在教 15+6=21 ？數學堂好快就過咗。
下一堂，死火喇，法文？法文堂換咗做第二個老師，個名長到抽筋。跟住忽然感覺到下半身有洪水泛濫的感覺，要去廁所。
"M..M..Miss L.. Louisvuittonmichelrenepierreherme, May I go to the toilet"
Madame L: "Warren, parlez Francais!!"
趴乜鬼呀？大佬就嚟爆喇，要我講乜春呀？
我的手緊握着下體，諗緊準備點瀨嘅時候，坐在我旁的鬼妹同我講咗句嘢。我諗都無諗就咁高聲repeat咗佢句說話。
"Madame! Le toilette s'il vous plait!"
Madame L:" "Tres bien! Allez-y."
屙完返番嚟呀鬼妹同學仔同我講："do you know you don't have to say good morning or ask for permission to go to the washroom?"
輕鬆晒嘅我："Thank You!" (淨係識呢句)
鬼妹伸咗隻手出嚟: "Haha you're funny, my name is Hillary."
我好害羞咁握咗佢隻手。(註：想看甜故的人兄請等待我遲啲寫有關東莞 Due Diligence 之旅)
果一刻嘅我恍然大悟，點解我無留意人地嘅？仲乜咁白癡"吉"起身問先生呀？這次事件直接影響到我以後做人嘅思維 - 行先死先。
今天的工作
J: 喂？渦輪呀？C記 Jacky 呀！今日有隻bond 介紹你呀！有隻好世界大陸地產，有五厘75，五年期OK啦！制得過！都圍到三百幾球飛啦喎！
Me: 哦
J: 前日隻中女社唔好意思呀，以為阿爺照穩陣啦，點知得番三厘九，唉，好彩抽飛。
Me: 哦
J: 咁阿渦輪我同你落五球 order 好世界大陸地產？我預分到一兩球。
Me: 好，擺五球囉。
J: OK confirm 你渦輪做 voicelog，買五球好世界大陸地產，五厘75，五年 tenor，account 12547561，要同你做埋FX，你美金戶口唔夠錢。
Me: 哦好
J: OK 再 confirm FX 港紙買美金五球 rate 7.7558 value date today. 債券啲 fact sheet 你有收到啲風險明白呀呵？
Me: 清楚明白
J: 喂渦輪多謝晒，遲啲俾番 confirmation 你，拜拜！
Me: Bye bye.
我同 private banker 的對白，通常就係咁。通常呢啲 conversation 每日會 repeat 四五次，因為間間私人銀行都係 sell 同一樣嘢。所以我好佩服葉朗程寫到佢份工咁多姿多彩。
2014年10月29日 星期三
可憐的爪皇
嘩，寫了不足三日就俾好友們推post，真係多謝你地嘅支持。
今日業務繁忙所以寫少少嚟解答吓疑問。
點解要用隻 Seabiscuit 嚟比較爪皇凌雨？無錯，Seabiscuit 哩隻馬，成績一般但名氣十足，俾人講足七十幾年，仲拍埋片添，70% effort gets 110% publicity, 超高回報啦！
爪皇凌雨呢？你試吓去歐美問吓人 "Do you know what's Vengeance of Rain?"
人地必定答你 "I'm sorry, I don't know, is it a movie?"
可憐的爪皇勞碌一生，只換來貼在馬會停車場的牆壁上靚仔相一張，仲要下年被撕掉。110% effort gets 10% publicity, for a few years at the most.
好多香港人淨係識睇短期 absolute return，忘記 long term 的 strategic vision。富豪就是靠具策略性而有遠見的眼光形成的。而低調地高調也符合這原則，下回分解。
今日業務繁忙所以寫少少嚟解答吓疑問。
點解要用隻 Seabiscuit 嚟比較爪皇凌雨？無錯，Seabiscuit 哩隻馬，成績一般但名氣十足，俾人講足七十幾年，仲拍埋片添，70% effort gets 110% publicity, 超高回報啦！
爪皇凌雨呢？你試吓去歐美問吓人 "Do you know what's Vengeance of Rain?"
人地必定答你 "I'm sorry, I don't know, is it a movie?"
可憐的爪皇勞碌一生，只換來貼在馬會停車場的牆壁上靚仔相一張，仲要下年被撕掉。110% effort gets 10% publicity, for a few years at the most.
好多香港人淨係識睇短期 absolute return，忘記 long term 的 strategic vision。富豪就是靠具策略性而有遠見的眼光形成的。而低調地高調也符合這原則，下回分解。
見報
小弟暫時係會以不連貫的短篇來寫吓嘢，同埋要整靚啲個 blog website，所有嘢 under construction 沙塵滾滾所以請見諒。我最上一次玩HTML係 Geocities 年代呀，十年前喇。
今晚就簡短啲講吓見報見傳媒呢樣嘢。
我個大陸 partner 成日同我講： 世宏兄，要成為業界領導者，需要爭取話語權呀，你呢，開記招做訪問時常常躲在一旁，不行呀，人家搞地產的C公子比你利害耶，你看！圖片多大！
我看見是他旁邊的F小姐。
我感覺到很煩厭，反問了他：郭總，如果明天福布斯找你，你想登上中國富豪榜嗎？ 郭總面青了，拎晒頭。當然啦，上咗 Forbes 會被整頓的。世界很簡單，人們總是愛棒打出頭鳥。
香港有本嘢好睇過壹周刊娛樂版，不過要識雞腸先睇得明。呢本就係 Hong Kong "Butler" 喇。（要用花名，費事幫人賣廣告）價錢為五十幾蚊，如果唔想磅水可選擇去養和門診部或機場的Business Class Lounge 免費閱讀或撻走。想做上等人學 name dropping 呢門高深技術呢，就要勤力期期睇喇。
這本雜誌主要 cover 以下名人：
1. 嫁了鬼佬而急不及待對外宣佈的中年港女及其混血兒女。他們會很快地剷走自己的 Chinese maiden name，變成外國人。"Hi, my name is Mei-Ling Von Estenberg" 個名咁 high 幾好聽呀！啲混血仔女混得咁靚當然要演吓出嚟俾人知啦。
2. 鍾意開重口味奇裝異服Party 的家族及其異形朋友;
3. AB君及其繁衍不盡的同母系表兄弟姊妹姨媽姑爹。總之持有股權就算係家族成員啦;
4. 幾位喺U記, D記 及 C記坐神台位等出糧但係鍾意去ball 嘅 private banker。
還有很多的二打六及擦鞋仔不作介紹。
以上啲人兄好似俾咗贊助費咁，期期 Butler 都有登，真係服咗佢地。其實，細心諗吓，佢地個樣每個月都會喺養和門診部，被上千隻布滿細菌嘅手指指點點，啲人邊打噴嚏一邊譏笑，然後月尾阿姐掉落垃圾桶，咁樣去周圍揚自己個樣值得咩？
所以呢，都係低調地高調好。
今晚就簡短啲講吓見報見傳媒呢樣嘢。
我個大陸 partner 成日同我講： 世宏兄，要成為業界領導者，需要爭取話語權呀，你呢，開記招做訪問時常常躲在一旁，不行呀，人家搞地產的C公子比你利害耶，你看！圖片多大！
我看見是他旁邊的F小姐。
我感覺到很煩厭，反問了他：郭總，如果明天福布斯找你，你想登上中國富豪榜嗎？ 郭總面青了，拎晒頭。當然啦，上咗 Forbes 會被整頓的。世界很簡單，人們總是愛棒打出頭鳥。
香港有本嘢好睇過壹周刊娛樂版，不過要識雞腸先睇得明。呢本就係 Hong Kong "Butler" 喇。（要用花名，費事幫人賣廣告）價錢為五十幾蚊，如果唔想磅水可選擇去養和門診部或機場的Business Class Lounge 免費閱讀或撻走。想做上等人學 name dropping 呢門高深技術呢，就要勤力期期睇喇。
這本雜誌主要 cover 以下名人：
1. 嫁了鬼佬而急不及待對外宣佈的中年港女及其混血兒女。他們會很快地剷走自己的 Chinese maiden name，變成外國人。"Hi, my name is Mei-Ling Von Estenberg" 個名咁 high 幾好聽呀！啲混血仔女混得咁靚當然要演吓出嚟俾人知啦。
2. 鍾意開重口味奇裝異服Party 的家族及其異形朋友;
3. AB君及其繁衍不盡的同母系表兄弟姊妹姨媽姑爹。總之持有股權就算係家族成員啦;
4. 幾位喺U記, D記 及 C記坐神台位等出糧但係鍾意去ball 嘅 private banker。
還有很多的二打六及擦鞋仔不作介紹。
以上啲人兄好似俾咗贊助費咁，期期 Butler 都有登，真係服咗佢地。其實，細心諗吓，佢地個樣每個月都會喺養和門診部，被上千隻布滿細菌嘅手指指點點，啲人邊打噴嚏一邊譏笑，然後月尾阿姐掉落垃圾桶，咁樣去周圍揚自己個樣值得咩？
所以呢，都係低調地高調好。
2014年10月28日 星期二
起跑線上的真理
琴晚好大約咁講咗關於在下嘅背景，今日就等我為大家探討吓起跑線呢樣嘢。
不過首先要訂下一啲 house rule，小弟是典型的商家佬，政治正確兼中立，有如在歐盟中間的小瑞士一樣不問世事，唱山歌揸吓牛奶食吓 fondue，但係中立得嚟都會跟大方向走，始終生活是現實的，西瓜靠大邊嘛。所以大部份情形下我係唔會點討論政治，唔該各位佔領中女的支持或反對者請移玉步到城市論壇討論，同啲維園阿伯 discuss 點樣佔領吓啲中女。
言歸正傳，首先，我係相信人人平等呢樣嘢，除非喺不幸地天生有缺陷或疾病，否則大家有手有腳認該自食其力。當然，我身世託賴喺比較好，你可以話我講緊啲風涼話，不過我要話你知一件事實：我們全部都輸在起跑線上，包括我在內。
嘩呀渦輪兄，你講嘢呀？連你都輸在起跑線上？
為何連我都會輸在起跑線？好簡單。我住馬己仙俠道，無錯，海拔百多米的半山已經是很好的地方，但係山頂啲乜嘢X巒呀，天比高呀，大佬，人地個客廳張用嚟放腳嘅 Ottoman 都離海圖基準面有成 200公尺高啦，高過我大廈天台。其實住半山班友係最慘，比上嚴重不足，比下叫做有餘咁講啦，好多人死充打腫塊面有苦自己知。
論身家，我地全香港嘅男人都輸喺兩位人兄之下：李澤楷同埋四叔次子李家誠。點解？人地一個 Isabella 一個徐子淇，兩位成功地私有化我們的2000年代女神，收晒我地皮啦，學呀盛先生講，呢兩位公子眾所9知真係高層、靚仔、有錢。不過如果兩位公子去到海外，亦都會俾人收皮，啲杜拜油王閒閒哋一個油田都多過佢兩位。
起跑線呢個名稱，其實係自我安慰的，根本係啲葡萄人士作出嚟嘅 term。好似跑馬一樣，你要攞隻四班馬同隻爪皇凌雨比喺徙氣的，但如果攞爪皇凌雨同隻世界名驅 Seabiscuit 比，又係徙氣。所以大家搵低過萬四蚊嘅朋友不用氣餒，一山還有一山高，人比人比死人。我地呢啲活在社會比較高少少位置嘅，同大家一樣都喺搵食啫。我覺得做人最緊要喺係自己個 comfort zone 裡面建立好基礎，即係我要做四班馬裡面最好果隻，然後先去試吓同啲三班尾嘅馬試吓閘，感受吓人地點成功先，吸取吓經驗再慢慢上位。你喺P牌仔夾硬開部 Formula 1 跑車，係會車毀人亡的。
冇錯，有錢喺易識靚女靚仔啲嘅，不過溝女這 topic 太深奧，改日再詳談。
所以唔好再話我喺含住金鎖匙出世，我冇乜嘢叻過你哋。所以由呢個 moment 開始，唔該大家忘記我的富二代身份。
咁樣大家平起平坐係唔係好傾啲？
不過首先要訂下一啲 house rule，小弟是典型的商家佬，政治正確兼中立，有如在歐盟中間的小瑞士一樣不問世事，唱山歌揸吓牛奶食吓 fondue，但係中立得嚟都會跟大方向走，始終生活是現實的，西瓜靠大邊嘛。所以大部份情形下我係唔會點討論政治，唔該各位佔領中女的支持或反對者請移玉步到城市論壇討論，同啲維園阿伯 discuss 點樣佔領吓啲中女。
言歸正傳，首先，我係相信人人平等呢樣嘢，除非喺不幸地天生有缺陷或疾病，否則大家有手有腳認該自食其力。當然，我身世託賴喺比較好，你可以話我講緊啲風涼話，不過我要話你知一件事實：我們全部都輸在起跑線上，包括我在內。
嘩呀渦輪兄，你講嘢呀？連你都輸在起跑線上？
為何連我都會輸在起跑線？好簡單。我住馬己仙俠道，無錯，海拔百多米的半山已經是很好的地方，但係山頂啲乜嘢X巒呀，天比高呀，大佬，人地個客廳張用嚟放腳嘅 Ottoman 都離海圖基準面有成 200公尺高啦，高過我大廈天台。其實住半山班友係最慘，比上嚴重不足，比下叫做有餘咁講啦，好多人死充打腫塊面有苦自己知。
論身家，我地全香港嘅男人都輸喺兩位人兄之下：李澤楷同埋四叔次子李家誠。點解？人地一個 Isabella 一個徐子淇，兩位成功地私有化我們的2000年代女神，收晒我地皮啦，學呀盛先生講，呢兩位公子眾所9知真係高層、靚仔、有錢。不過如果兩位公子去到海外，亦都會俾人收皮，啲杜拜油王閒閒哋一個油田都多過佢兩位。
起跑線呢個名稱，其實係自我安慰的，根本係啲葡萄人士作出嚟嘅 term。好似跑馬一樣，你要攞隻四班馬同隻爪皇凌雨比喺徙氣的，但如果攞爪皇凌雨同隻世界名驅 Seabiscuit 比，又係徙氣。所以大家搵低過萬四蚊嘅朋友不用氣餒，一山還有一山高，人比人比死人。我地呢啲活在社會比較高少少位置嘅，同大家一樣都喺搵食啫。我覺得做人最緊要喺係自己個 comfort zone 裡面建立好基礎，即係我要做四班馬裡面最好果隻，然後先去試吓同啲三班尾嘅馬試吓閘，感受吓人地點成功先，吸取吓經驗再慢慢上位。你喺P牌仔夾硬開部 Formula 1 跑車，係會車毀人亡的。
冇錯，有錢喺易識靚女靚仔啲嘅，不過溝女這 topic 太深奧，改日再詳談。
所以唔好再話我喺含住金鎖匙出世，我冇乜嘢叻過你哋。所以由呢個 moment 開始，唔該大家忘記我的富二代身份。
咁樣大家平起平坐係唔係好傾啲？
第一次獻給你
大家好，經過這半年來的思考，今日決定開始寫我的 blog。其實我對 blogging 無乜大興趣，不過大半年前見到葉朗程的專欄，覺得幾得意，而我又想回應吓佢寫嘅嘢，咪試吓寫。簡單啲講，我應該係葉朗程故事裡嘅對口單位。希望可以透過呢個 blog，俾大家睇吓上流社會嘅權力遊戲。
首先介紹一吓自己先，我叫陸世宏，英文名叫 Warren，出生於香港，單身兼長子，今年三十有四（就快三十五）。我係典型八十年代長大嘅人，小學讀11區校網名校，但係因為怕97，舉家移民加拿大溫哥華，去咗幾年但係又回流返香港，結果就入唔番本地學校，被放逐去國際學校，之後懵吓懵吓考到去美國讀大學。所以如果有錯別字，請大家見諒，畢竟我喺番書仔一名，不過我又唔想為咗溝女，出賣民族話自己係咩嘢半唐番竹升仔揾食。
上天對我好好，俾我喺一個好充裕嘅家庭長大，細個唔使憂，做乜都符符碌碌過到骨搞掂，大學畢業後出去做過幾年 investment banking，現在掌管家族生意，都算喺話得事果隻，屋企檔嘢話大唔大話細唔細，做邊行費事講啦，總之係 Listco。工作叫做幾休閒咁。我份人比較低調地高調，間唔中上吓報紙雜誌呀咁樣就OK，俾我有得 post 吓 Instagram 呃 like， 不過一定唔喺娛樂版緋聞果啲。總之我就係一般人眼中好典型嘅商界財俊 stereotype 啦。
因為生意關係，我經常同啲 private banker 往來，我是好幾間 private bank 的客戶，經常出入ICC, IFC 裡面啲私人銀行，生意夥伴，朋友等等都有幾多係名流。不過，大家請記住，這些人大部份都係高調地高調的，所以與小弟嘅作風唔同。如果用娛樂圈嚟比喻呢個上流社會，我就係王菲，係 specifically 1996年果個王菲，我行我素但係尚未走火入魔。
閒時我極少落老蘭，因為已經嚴重MK化，要蒲當然係去我啲 friend 嘅私竇（例如老蘭垃圾站附近 basement 有一間喺要㩒密碼入嘅呢）同埋船河P啦。基本上我唔鍾意港式嘅夜生活，因為太無聊喇，就好似威靈頓街頭晚晚都喺停住果架林寶咁，見得多悶㗎嘛，人地堅有錢果啲係坐司機揸嘅 Alphard 㗎。
好啦，現在已經係夜深，聽日十點要返工，早唞各位！
首先介紹一吓自己先，我叫陸世宏，英文名叫 Warren，出生於香港，單身兼長子，今年三十有四（就快三十五）。我係典型八十年代長大嘅人，小學讀11區校網名校，但係因為怕97，舉家移民加拿大溫哥華，去咗幾年但係又回流返香港，結果就入唔番本地學校，被放逐去國際學校，之後懵吓懵吓考到去美國讀大學。所以如果有錯別字，請大家見諒，畢竟我喺番書仔一名，不過我又唔想為咗溝女，出賣民族話自己係咩嘢半唐番竹升仔揾食。
上天對我好好，俾我喺一個好充裕嘅家庭長大，細個唔使憂，做乜都符符碌碌過到骨搞掂，大學畢業後出去做過幾年 investment banking，現在掌管家族生意，都算喺話得事果隻，屋企檔嘢話大唔大話細唔細，做邊行費事講啦，總之係 Listco。工作叫做幾休閒咁。我份人比較低調地高調，間唔中上吓報紙雜誌呀咁樣就OK，俾我有得 post 吓 Instagram 呃 like， 不過一定唔喺娛樂版緋聞果啲。總之我就係一般人眼中好典型嘅商界財俊 stereotype 啦。
因為生意關係，我經常同啲 private banker 往來，我是好幾間 private bank 的客戶，經常出入ICC, IFC 裡面啲私人銀行，生意夥伴，朋友等等都有幾多係名流。不過，大家請記住，這些人大部份都係高調地高調的，所以與小弟嘅作風唔同。如果用娛樂圈嚟比喻呢個上流社會，我就係王菲，係 specifically 1996年果個王菲，我行我素但係尚未走火入魔。
閒時我極少落老蘭，因為已經嚴重MK化，要蒲當然係去我啲 friend 嘅私竇（例如老蘭垃圾站附近 basement 有一間喺要㩒密碼入嘅呢）同埋船河P啦。基本上我唔鍾意港式嘅夜生活，因為太無聊喇，就好似威靈頓街頭晚晚都喺停住果架林寶咁，見得多悶㗎嘛，人地堅有錢果啲係坐司機揸嘅 Alphard 㗎。
好啦，現在已經係夜深，聽日十點要返工，早唞各位！
訂閱：
文章 (Atom)